Lille dhe Paris Saint-Germaini do të takohen mes vete në kuadër të raundit të 23-të në elitën e futbollit francez.
Kjo ndeshje do ta mbyllë xhiron e 23-të në Ligue 1 të Francës, ndërsa do të jetë e veçantë për Edon Zhegrovën nëse luan, pasi ballafaqohet me idhullin e tij të fëmijërisë, Lionel Messin.
Do të jetë takimi i 90-të në ligë mes tyre.
PSG-ja e ka avantazhin e ndeshjeve të ndërsjella me 34 fitore, Lille ka fituar 30 herë, ndërsa 25 ndeshje në total janë mbyllur baras.
Ndeshja e fundit është zhvilluar më 29 tetor të vitit të kaluar. PSG-ja fitoi me rezultatin 2:1.
Interesant pritet të jetë edhe takimi i dytë i këtij edicioni.
32 pikë nga 22 ndeshje të luajtura tregon qartë formën e dobët që po kalon skuadra kampione në fuqi e Francës, Lille. Ka pranuar madje 30 gola, shtatë më shumë se në të gjithë sezonin e kaluar.
Edhe Paris Saint-Germaini nuk është se e ka kaluar formën më të mirë të mundshme. Më herët gjatë kësaj jave u eliminua nga Kupa e Francës nga skuadra e Nicet, pas ekzekutimit të penalltive.
