Zgjedhjet e para kombëtare në Evropë që nga fillimi i pandemisë, po zhvillohen sot në Serbi, ku koalicioni qeverisës populist po shpreson të forcojë shumicën e tij.
Votimi po zhvillohet nën kufizime të rrepta të koronavirusit me njerëzit që u kërkohet të mbajnë maska për fytyrën dhe të përdorin dezinfektant për duart pasi të hedhin votat e tyre. Sipas Universitetit John Hopkins, vendi ka konfirmuar gati 13,000 raste të Covid-19 dhe 260 vdekje.
Frika e infeksionit mund të çojë në një pjesëmarrje të ulët. Partitë e opozitës gjithashtu kanë bërë thirrje për një bojkot, duke thënë se qëndrimi i ashpër i presidentit Aleksandar Vuçiç në media do të thotë që votimi nuk do të jetë as i lirë dhe as i drejtë.
Siç raporton korrespodenti i BBC për Ballkanin, Guy Delauney, partia e tij po shpreson ta afrojë Serbinë në anëtarësimin në BE duke ruajtur lidhje të ngushta me Rusinë dhe Kinën – një veprim balancimi u bë më i vështirë nga presioni perëndimor që Beogradi të njohë pavarësinë e Kosovës./BBC
