Një nga zjarret e shumta në Kaliforni filluan gjatë një ahengu për zbulimin e gjinisë, kanë thënë zyrtarët.
Një “pajisje piroteknike që gjeneron tym” e përdorur në një aheng ka ndezur zjarrin e madh El Dorado në San Bernardino, thuhet në një deklaratë zyrtare.
Zjarri nisi të shtunën në orën 10:23 të mëngjesit në parkun El Dorado dhe u shpërnda më tutje.
Që nga atëherë zjarri është përhapur në 7,400 hektarë, raporton CNN.
Për shkak të zjarrit, komunitetet e Oak Glen, Yucaipa Ridge, Mountain Home Village dhe Forest Falls janë urdhëruar të evakuohen.
Asnjë akuzë ende nuk është hedhur.
Ahengu për zbulimin e gjinisë, është ngjarje shoqërore që mbahet gjatë shtatzanisë ku prindërit “zbulojnë” gjininë e fëmijës tek miqtë dhe familjarët, transmeton KOHA. Ky zbulim ndonjëherë manifestohet me shpërthim të ngyrës së kaltër për djemtë dhe rozë për vajza.
Në vitin 2017, një festë e tillë në Arizona kishte shkaktuar një zjarr që djegu afër 47,000 hektarë tokë dhe shkaktoi më shumë se 8 milionë dollarë dëme.
