Një zjarr ka rënë në katin e parë të spitalit Covid-3 në kryeqytet.
Mësohet se zjarrfikësja e ka vënë nën kontroll situatën tashmë.
Dyshohet se zjarri ka ndodhur si pasojë e një rezistence për ngrohje në zyrat e administratës.
Ora News mëson se bëhet fjalë për zyrën e një mjeku, jo për ambiente ku qëndrojnë pacientët.
“Me datë 27.11.2021, te spitali “Covid 3″ ka rënë zjarr në një nga zyrat e administratës, ku ka vetëm dëme materiale. Shërbimet zjarrfikëse kanë bërë të mundur fikjen e zjarrit”, bën me dije policia.
Ndërkohë pritet një reagim zyrtar nga spital.
Grupi Hetimor është në vendngjarje dhe po punon për sqarimin e rrethanave të rënies së zjarrit.
