Zjarrfikësit në Kroaci kanë luftuar për të dytën ditë radhazi të martën kundër vatrës së zjarrit që ka mbërthyer zonat afër resorit bregdetar të Trogirit.
Flakët kanë shpërthyer gjatë së hënës dhe kanë vazhduar të digjen furishëm gjatë tërë ditës së martë, duke i rrezikuar shtëpitë, si dhe furnizimin lokal me rrymë.
Shërbimi shtetëror i zjarrfikësve ka njoftuar se ekipet kanë arritur që më në fund t’i vënë nën kontroll zjarret, me ndihmën e aeroplanëve që kanë hedhur sasi të mëdha të ujit nga ajri.
