Mijëra njerëzve u është dashur të largohen nga shtëpitë e tyre në Tenerife, ndërsa zjarrfikësit dhe ushtria përpiqen të frenojnë një zjarr me përmasa të mëdha në ishull.
Gati 4,500 njerëz u urdhëruan të largoheshin nga fshatrat dhe kampingjet pasi zjarri filloi të mërkurën, ndërsa mijëra të tjerë që të qëndronin brenda.
Zjarri ka djegur tashmë të paktën 6,425 hektarë.
“Ky është ndoshta zjarri më i ndërlikuar që kemi pasur në Ishujt Kanarie, nëse jo ndonjëherë, të paktën në 40 vitet e fundit,” tha udhëheqësi rajonal Fernando Clavijo.
Ai tha se zjarri ishte aktualisht “jashtë kontrollit” dhe se ishte një garë me kohën përpara se temperaturat të rriteshin përsëri në fundjavë. Santa Cruz, kryeqyteti i ishullit, është 12 milje (20 km) nga flakët.
Avionët bombardues me ujë kanë arritur të stabilizojnë zjarrin në jug të malit Teide, majës më të lartë të Spanjës, por ai mbeti jashtë kontrollit në krahun verior.
