Vatrat e zjarrit vijojnë të jenë një problem për Greqinë gjatë kësaj vere, për shkak dhe të temperaturave të larta.
Një zjarr shpërtheu ditën e hënë në pjesën jugore të ishullit të Evias, i cili disa kohë më parë u shkrumbua nga një vatër që zgjati për më shumë se 10 ditë.
Një tjetër vatër u regjistrua në Vilia, shumë pranë kryeqytetit. Autoritetet urdhëruan largimin e banorëve të zonës që kërcënoheshin nga flakët.
Shkaqet e zjarrit janë të paqarta, ndërkohë që po hetohet mundësia që ato të kenë qenë të qëllimshme.
