Një plagë, një djegie me ngjyrën si e kuqja e gjakut që e ndan Rodosin në dysh.
Kjo është pamja që shfaqet nga hapësira e tokës, e zjarrit që ka përfshirë prej 7 ditësh në ishullin e famshëm grek, duke detyruar autoritetet të evakuojnë mbi 10 mijë njerëz.
Toka e djegur, flakët ende aktive dhe kolona e tymit që shtrihet mbi det u filmuan mëngjesin e 23 korrikut nga sateliti Copernicus Sentinel-2, programi i vëzhgimit të Tokës i menaxhuar nga Agjencia Evropiane e Hapësirës (ESA) dhe Komisioni Evropian.
Sipas pamjeve satelitore, deri të dielën në ishullin e kreshnikëve ishin djegur 114.140 hektarë tokë, numër ky që fatkeqësisht u rrit ndjeshëm të hënën, me rindezjen e zjarreve në Asklepio, Gennadi dhe Vati.
Për të monitoruar zonën e prekur, është aktivizuar edhe moduli i hartës së shpejtë të Shërbimit të Menaxhimit të Emergjencave Copernicus, siç raportohet nga ekspertët në vend.
Ndërkohë, buletini i Qendrës Evropiane për Parashikimet Afatmesme Meteorologjike (Ecmëf) tregon sot përqendrime të larta atmosferike të grimcave të imëta (PM 2.5) në zonën mesdhetare që rrethon ishullin e Rodosit, pikërisht për shkak të emetimeve të shkaktuara nga zjarret.
