Zonja e Parë e Haitit, Martine Moïse, u dëgjua nga publiku për herë të parë që kur ajo u plagos rëndë gjatë vrasjes së burrit të saj, Presidentit Haitian Jovenel Moïse.
Të Shtunën, Moïse postoi një mesazh audio në llogarinë e saj personale në Twitter.
Në mesazh, ajo thotë: Unë jam gjallë me hirin e Zotit, por kam humbur burrin tim Jovenel.
Moïse arriti në Floridan Jugore për trajtim mjekësor të Mërkurën pasdite, disa orë pasi sulmit në mëngjes jashtë shtëpisë së Port Au-Prince që ajo ndante me burrin e saj.
Në lidhje me sulmin, ajo tha: Sa hap e mbyll sytë, mercenarë erdhën në shtëpinë time dhe goditën burrin tim me plumba.
“Pas 25 vitesh martesë ata e morën burrin tim nga unë. E dija që hyrja në politikë nuk do të ishte e lehtë. Ne duhet të vazhdojmë luftën. Jovenel ishte për njerëzit. Ata e vranë sepse ai donte të ndryshonte vendin. Ne duhet të ngrihemi dhe të vazhdojmë luftën… ai po luftonte për ne, dhe ne duhet të vazhdojmë të luftojmë për të. ”
