Në Zvicër sot votohet për të vendosur një sërë masazh, përfshirë edhe ndalimin e reklamimit të duhanit në vendet ku të rinjtë mund ta shohin atë, raporton BBC.
Në fakt ky do të ishte një ndalim i plotë i reklamimit të duhanit.
Mund të jetë befasi, por Zvicra, përkundër imazhit të saj të shëndetshëm dhe miqësor ndaj mjedisit, ka një prej rregulloreve më të buta në Evropë sa i përket duhanit.
Shumë kohë pasi pirja e duhanit u ndalua në bare dhe restorante në Britani të Madhe, Gjermani e Francës, te zviceranët ende pihej duhani në to.
Klientëve në supermarkete rregullisht i afroheshin vajzat e reje me buzëqeshje në fytyrë duke i ofruar ndonjë pako falas të markës së re të cigareve. Ndërsa këto gjëra janë ndaluar tashmë në Zvicër, reklamimi i duhanit ende mbetet në fuqi.
Referendumi i sotëm në Zvicër është një prej shumë referendumeve që mbahen në këtë vend. Votuesit do të vendosin gjithashtu edhe për propozimet për kufizime në testime në kafshë dhe paratë e reja për median.
Mbështetësit e duhanit thonë se ndalimi i reklamave është për shkak se kompanitë më të mëdha të duhanit janë të pranishme në Zvicër. Philip Morris, British American Tobacco dhe Japan Tobacco kanë selitë e tyre në Zvicër.
Industria e duhanit vlerësohet se kontribuon më shumë se 6 miliardë dollarë në vit në ekonominë zvicerane dhe punëson mbi 11 mijë persona.
Në sondazhin e fundit thuhet se 63 për qind e votuesve do të mbështesin reklamimin e duhanit, por për të hyrë në fuqi duhet të përkrahet nga shumica e 26 kantoneve në Zvicër.
