Zyrtarët amerikanë të sigurisë së sistemit zgjedhor kanë hedhur poshtë pretendimet e presidentit në detyrë, Donald Trump për manipulime në zgjedhje.
Kjo deklaratë erdhi nga Komiteti i Këshillit Koordinues i Sektorit të Infrastrukturës Zgjedhore.
Ata theksuan se këto zgjedhje ishin zgjedhjet më të sigurta në historinë e SHBA-ve.
Donald Trump po tenton që me anë të gjykatave ta përmbysë rezultatin në shtetet me diferencë të vogël votash, prandaj ka refuzuar të pranojë humbjen.
Rezultati i zgjedhjeve ende nuk është certifikuar, por demokrati Joe Biden kryeson dukshëm në bazë të të dhënave paraprake, duke marrë 290 nga 270 votat elektorale që i duhen për të marrë presidencën e SHBA-së nga data 20 janar e vitit tjetër.