Teksa në selinë e demokratëve po zhvillohet
mbledhja e grupit parlamentar të kësaj partie, mësohet se deri në këto moment
të gjithë deputetët kanë pranuar vendimin e Lulzim Bashës për të djegur
mandatet.
Pro këtij vendimi është edhe ish-kreu i kësaj force politike, Sali Berisha.
“Vendim qe nuk është marrë në Shqipëri ndonjëherë. Vendim në rrafshin politik, më ekstremi. Por e kërkon situata politike. Prova e këtij vendimi është, nëse ne me aksionin qytetar politik do t’u kthejmë shqiptarëve votën e lirë, ne kemi marre një vendim historik të drejtë. Po nuk arritëm që shqiptaret të votojnë të lirë, mbetemi fasadë. Nëse shkohet në këtë vendim, qe nuk e kundërshtoj, përkundrazi, koha ka ardhur që të përballemi me këtë regjim me qëllimin e vetëm që shqiptaret të jenë të lirë”, tha Berisha.
Ndërsa kreu aktual i demokratëve Lulzim Basha është shprehur se “Jemi në gjendje emergjence kombëtare. Ky është hap nga pozitat e dominimit të forcës popullore. Na takon ne të udhëheqim shqiptarët”./TCh/
