Regjistrohen 3 rate të reja pozitive me COVID-19 në Durrës.
Sipas bvurimeve, 2 prej tyre janë kontakte të afërta me një pacient të konfirmuar ditën e djeshme ndërsa një tjetër është regjistruar në Bashki.
Kolegët e pacientit pozitiv janë karantinuar dhe janë nën kontrollin e mjekëve.
Ndërsa Vlora nuk shënon asnjë rast me COVID-19.
Gjatë 24 orëve të fundit janë kryer 50 tampone prej të cilave asnjë person nuk ka rezultuar pozitiv me koronavirus.
Tamponet kanë qenë familjarë dhe kontakteve të 6 rasteve të fundit, punonjës të fasonerisë ku dyshohet se ishte e infektuar si dhe persona me simptoma të dyshuar si mbartës.
Këtë e ka konfirmuar edhe vetë spitali i Vlorës por pritet deklarata zyrtare e Ministrisë së Shëndetësisë për rastet e reja me COVID-19.
Deri më tani, Shqipëria numëron 1385 të infektuar ndërsa numri i viktimave është 35.
Aktualisht, raste aktive janë 349 ndërsa numri i të shëruarve është 1001.
Gjatë ditëve të fundit, numri i të infektuarve ka pësuar një rritje, gjë që ka sjellë dhe njëherë frikën tek qytetarët për një përhapje masive./Ora News/
