Njerëzit janë të etur të kthehen në zyrë sepse puna nga shtëpia ka lënë shumë “të lodhur”, thotë një shef në zyrën dhe kompleksin më të madh të shitjeve me pakicë në Britani të Madhe.
Howard Dawber, shefi i strategjisë në Canary Wharf Group, tha se njerëzit do të duan akoma të ndajnë kohën midis vendit të punës dhe shtëpisë.
Por atyre u mungon jeta në zyrë dhe në qendër të qytetit, tha ai për BBC-në.
Kompleksi financiar Canary Wharf, në Londër, ka vetëm rreth 6,000 punëtorë që punojnë në zyre krahasuar me 100 mijë sa ishin para pandemisë.
“Kemi arritur në pikën ku ka shumë lodhje atje”, tha ai dhe më tutje shtoi se “Duke punuar nga shtëpia për dy muajt e parë të vitit të kaluar kur dielli po shkëlqente dhe njerëzit po shijonin mbase një mjedis më fleksibël, kishte një ndjenjë që ky do të ishte një proces afatshkurtër”.
“Unë mendoj se tani njerëzit me të vërtetë po e humbin atë mundësi për të bashkëpunuar dhe thjesht të shohin miqtë e tyre në zyrë, për të prerë flokët, për të shkuar dhe për të marrë një kafe të mirë në mesditë dhe për të bërë të gjitha gjërat e administratorit të jetës që mund të bësh në një qendër e qytetit”, pohoi ai.
Në udhërrëfyesin qeveritar për dhënien fund të kufizimeve të coronavirusit, ai rekomandon që njerëzit në Angli të vazhdojnë të punojnë nga shtëpia ku është e mundur.
Megjithatë, shpresohet që të gjitha kufijtë ligjorë në kontaktet shoqërore të hiqen nga 21 qershori.
