Vadim Komarov, gazetar investigues ukrainas, i njohur për hetimet e tij kundër korrupsionit, vdiq në spitalin e qytetit Cerkasy, gjashtë javë pasi u sulmua nga një i panjohur.
Presidenti i Bashkimit Kombëtar të Gazetarëve të Ukrainës, Serghiy Tomilenko, njoftoi se gazetari vdiq nga plagët e marra pas sulmit të 4 majit.
“E vetmja arsye e sulmit dhe e vrasjes janë aktiviteti profesional i Vadim Komarovit”, shpjegoi Tomilenko.
‘’Komarov ishte një personazh i papërshtatshëm për shumë politikanë lokalë. Ai bënte pyetje të pakëndshme rreth korrupsionit dhe prekte tema që kishin ndikim të madh”, përfundoi ai.
