Ministrat e Financave të G7-s, të mbledhur në një takim përmes videokonferencës dhe nën kujdesin e Britanisë së Madhe, mbështetën sot ndihmën e re nëpërmjet Fondit Monetar Ndërkombëtar (FMN) për vendet në disavantazh, të dobësuara nga pandemia, sipas një njoftimi për shtyp nga Thesari Britanik.
“Kancelari britanik i Thesarit, Rishi Sunak dhe ministrat e Financave të G7-s janë në favor të një programi të ri dhe të rëndësishëm të të drejtave të financimit për të ndihmuar vendet e pamundura të kalojnë krizën aktuale”, shkruhet në deklaratë.
Ministri francez i Ekonomisë dhe Financave, Bruno Le Maire, konfirmoi se kishte “konsensus” për këtë mekanizëm brenda G7-s.
Mekanizmi synon t’u mundësojë vendeve të G7-s të “çlirojnë burime për të financuar nevoja thelbësore të tilla, si vaksinat ose importet e ushqimit dhe për të përmirësuar mjetet amortizuese të vendeve në zhvillim ose me të ardhura të ulëta”.
