Ministri britanik i Mbrojtjes, Ben Wallace theksoi sot se do të ishte kundërproduktive bllokimi i eksporteve të AstraZeneca, ashtu si kërcënoi një ditë më parë presidentja e Komisionit Europian nëse Bashkimi Europian nuk do të merrte livrime.
“Bashkimi Europian e di që pjesa tjetër e botës shikon mënyrën se si sillet Komisioni”, deklaroi Wallace për stacionin televiziv SkyNews.
“Nëse kontratat dhe angazhimet ndërpriten do të ishte shumë e dëmshme për një bllok tregtar që krenohet se respekton ligjin”, shtoi ai.
Ai shtoi se kjo do të ishte kundërproduktive.
Duke theksuar natyrën bashkëpunuese të prodhimit të vaksinave që përfshin disa vende në botë, ministri paralajmëroi se kjo do të rrezikonte jo vetëm shanset e qytetarëve të tyre për të pasur një program të përshtatshëm vaksinimi, por edhe shumë vende të tjera në botë. Dhe dëmton reputacionin të BE-së.
“Përpjekja, në çdo mënyrë, për të ndarë ose vendosur mure do të dëmtonte vetëm qytetarët e BE dhe të Britanisë së Madhe”, deklaroi ministri në një intervistë për BBC.
Presidentja e Komisionit Europian, Ursula von der Leyen kërcënoi se do të ndalonte eksportet e parashikuara nëse nuk do të merrte livrimet nga AstraZeneca.
“Ky është mesazhi që i dërgojmë AstraZeneca-s: respektoni kontratat tuaja me Europën para se të filloni livrimet në vende të tjera”, deklaroi ajo në një intervistë me grupin gjerman të medias Funke.
