Teksa Ilir Meta e pret për vizitë në presidencë, Edi Rama shfaqet në takimet elektorale për zgjedhjet e 30 qershorit.
Gjatë një bashkëbisedimi me banorët e njësisë numër 4 në Tiranë, Rama tha se Meta ka marrë drejtimin e opozitës.
Edi Rama: Harxhojmë energji të madhe për pengesat. Njësoj si zgjedhjet, duhet të bësh edhe zgjedhjet dhe të luftosh edhe me penguesit e zgjedhjeve.
Qytetari: Presidentin si e kemi zoti Kryeministër?
Edi Rama: Aj ja ja. Presidenti ka marrë drejtimin e opozitës, dështon Luli ndërhyn Iliri. Është fatkeqësi e madhe për institucionin, por nuk kemi çfarë të bëjmë. Erdhi dita që edhe Bujar Nishani të bëhet si Xhefersoni. Ky thotë hapni vendin se do të hidhem. I hodhi benzinë zjarrit me marrëzinë e çfirmosjes, ju dha motiv dhe këtyre që thonë do të respektojmë dekretin. Sot e ka marrë përgjigjen shumë të qartë dhe nga Kolegji Zgjedhor, është gjykata që vendos dhe është pa të drejtë ankimimi. Vulos zgjedhjet.
Sadri Abazi: Mbase sot bisedon me Lulin për datë të re zgjedhjesh.
Edi Rama: Mund të bëjë çfarë të dojë, por është nul. Kur e lexon Kushtetutën në filxhan.
Qytetari: Nëse shpërndan parlamentin?
Edi Rama: Mund të marrë vendim t’i shpallë luftës BE dhe SHBA. Problemi me këtë është se u çmendën të gjithë përnjëherë. U çmend Tan Ceka, iku fare ai.
