Kanë mbetur edhe pakë orë nga fillimi i zgjedhjeve lokale në Shqipëri, të cilat mbahen nën hijen e përçarjeve më të mëdha politike në Shqipërinë pluraliste.
Votuesit do të kenë mundësi që të drejtohen të kutitë e votimit nga ora 07:00 deri në ora 19:00, kur mbyllen qendrat e votimit.
Partia Socialiste është e vendosur që këto zgjedhje të mbahen sot, ndërsa opozita e udhëhequr nga Paria Demokratike dhe Lëvizja Socialiste për Integrim, i kanë braktisur zgjedhje.
Opozita e Bashkuar u ka bërë në vazhdimësi thirrje qytetarëve që të mos marrin pjesë në zgjedhje, pasi pretendon se së pari duhet të dënohen vjedhësit e votave, për të cilën e akuzojnë kryeministrin Edi Rama.
Pas shumë protestave të mbajtura nga opozita, presidenti Ilir Meta ka shfuqizuar dekretin e zgjedhjeve të 30 qershorin, por këtë vendim nuk e njeh kryeministri Edi Rama. Meta po ashtu ka caktuar 13 tetorin si datë të zgjedhjeve lokale, por sërish këtë datë nuk e njeh Edi Rama.
Bashkësia ndërkombëtare ka bërë thirrje që zgjedhjet të zhvillohen të qeta dhe kanë paralajmëruar se nuk do të tolerohet dhuna.
