Facebook ka pezulluar llogarinë e Donald Trump për dy vjet, ka njoftuar kompania.
“Duke pasur parasysh peshën e rrethanave që çuan në pezullimin e Z. Trump, ne besojmë se veprimet e tij përbënin një shkelje të rëndë të rregullave tona që meritojnë dënimin më të lartë në dispozicion në protokollet e reja të zbatimit. Ne jemi duke pezulluar llogaritë e tij për dy vjet, efektive nga data e pezullimit fillestar më 7 janar të këtij viti, ” tha Nick Clegg, nënkryetari i Facebook për çështjet globale, në një deklaratë të premten, 4 qershor.
Në fund të periudhës së pezullimit, tha Facebook , do të punojë me ekspert për të vlerësuar rrezikun e sigurisë publike që paraqitet duke rihapur llogarinë e Trump.
“Ne do të vlerësojmë faktorët e jashtëm, përfshirë rastet e dhunës, kufizimet në tubimin paqësor dhe shënjuesit e tjerë të trazirave civile”, shkroi Clegg.
“Nëse përcaktojmë se ekziston ende një rrezik serioz për sigurinë publike, ne do të zgjasim kufizimin për një periudhë të caktuar kohe dhe do të vazhdojmë të rivlerësojmë derisa ai rrezik të tërhiqet.”
Ai shtoi se sapo të hiqej pezullimi, “një grup i rreptë sanksionesh të përshkallëzuara me shpejtësi” do të shkaktohej nëse Trump shkel politikat e Facebook.
