Mesfushori Toni Kroos është tërhequr nga Përfaqësuesja e Gjermanisë dhe këtë e ka konfirmuar të premten nëpërmjet një postimi në “Twitter”.
Kroos ka shkruar ndër të tjera në letrën e tij se arsyeja e tërheqjes nga Gjermania pas “Euro 2020” është për t’u fokusuar plotësisht te skuadra e Real Madridit.
Kroos 31-vjeçar ka qenë pjesë e Gjermanisë prej vitit 2010 dhe ka regjistruar 106 paraqitje duke shënuar 17 gola. Ai me Gjermaninë e ka fituar titullin e botës në vitin 2014. Gjermania në “Euro 2020” u eliminua në 1/8 e finales nga Anglia.
