Lionel Messit s’i pëlqeu aspak që bashkëlojtari i tij, Rodrigo De Paul deshi të këndojë vargje fyese ndaj Brazilit, pas triumfit të Argjentinës në finale të Kupës së Amerikës 2021 në fundjavë.
Kapiteni i Argjentinës Lionel Messi nuk e lejoi bashkëlojtarin e vet Rodrigo De Paul të këndojë vargje fyese ndaj Brazilit, gjatë festës së titullit të parë të Argjentinës në 28 vitet e fundit.
Argjentina e fitoi Kupën e Amerikës pasi e mundi Brazilin 1:0 në finalen e së shtunës midis stadiumit të famshëm të Rio de Janieros, Maracana, falë një goli të Angel Di Marias. Ky triumf ishte madhështor për argjentinasit sepse erdhi kundër rivalit kryesor të tyre dhe pikërisht në tempullin e famshëm brazilian.
Derisa të gjithë lojtarët ishin mbledhur në fushë për të kënduar, një incident ndodhi mes kapitenit Messi dhe De Paulit, njërit prej lojtarëve më të shquar në finale.
Ylli i ri i Atletico Madridit tentoi ta tallte Brazilin, nikoqirin e turneut, por Messi ishte i shpejtë në reagimin e tij për të mos lejuar tallje të tilla.
Messi ka miqësi të madhe me lojtarin kryesor të Brazilit, Neymar, e cila u pa edhe në fushë pas fishkëllimës së fundit, kur ata u përqafuan emocionalisht.
Gjashtë herë fituesi i Topit të Artë, i cili ka fituar trofe dhe çmime të panumërta në nivel klubi me Barcelonën, më në fund e fitoi trofeun e parë të madh me Argjentinën.
Ikona 34-vjeçare, i cili është lojtari i lirë tani për tani pasi i ka mbaruar marrëveshja me Barcelonën, kishte dështuar në katër finale të mëdha paraprakisht, tri në Kupën e Amerikës dhe një në Kupën e Botës më 2014.
Messi e barti vetë Argjentinën deri në finale duke u përfshirë në çdo gol të shënuar nga skuadra e Lionel Scalonit në një mënyrë apo tjetër.
Ai u zgjodh lojtari më i mirë i turneut dhe po ashtu golashënuesi më i mirë i turneut, me katër gola dhe pesë asiste në gjashtë ndeshje.
