I ruhet si djalli temjanit’.
Kështu mund të cilësohet sjellja e Aleksandër Soros ndaj mediave gjatë ditës së djeshme në Shkup, ku ishte i pranishëm në samitin e Ramës, Vuçiç dhe Zaev në lidhje me minishengenin ballkanik.
Siç duket, Soros i vogël është duke ndjekur dhe mbikëqyrur hap pas hapi projektin e përgatitur dhe iniciuar nga babai i tij, Xhorxh Sorosi, që e ka propozuar që në vitin 1999.
Sorosi është ruajtur që të mos dalë në asnjë pamje dhe të mos filmohet apo fotografohet nga askush gjatë takimit në Shkup.
Edhe prania e Aleksandër Sorosi nuk ka qenë e rastësishme, pasi ai fillimisht erdhi në Shqipëri ku takoi Edi Ramën dhe Erion Veliajn.
Por Sorosi i vogël ka qenë i pranishëm edhe në takimet e tjera të treshes Vuçiç-Rama-Zaev. Që në takimin e parë në Nish, i pranishëm ka qenë Aleksandër Soros dhe ai ka vazhduar të jetë i pranishëm në çdo takim të tyre, duke ndjekur zbatimin e projektit të babait të tij.
Në mbledhjen e datës 29 korrik në kryeqytetin e Maqedonisë së Veriut, Rama, Vuuçiç dhe Zaev prezantuan emrin e ri të projektit, për të cilin thonë se e nisën dhe po e shtyjnë përpara, pasi ‘nuk mund të presin më Bashkimin Europian’ që t’i integrojë vendet e Ballkanit Perëndimor dhe ndaj po integrohen së bashku.
Soros gjithashtu propozon në këtë shkrim të botuar 22 vite më parë, që në këtë zonë që ai e quan tekstualisht njësoj si e pagëzoi dje në Shkup treshja Rama-Vuçiç-Zaev, ‘Ballkani i Hapur’ që të hyjnë vendet e ish-Jugosllavisë, plus Shqipëria, por deri më tani atij i është bashkuar vetëm Shqipëria dhe Maqedonia e Veriut.
Kujtojmë se Edi Rama sistematikisht e ka justifikuar këtë nismë si një reagim apo kundërpërgjigje ndaj burokracisë së BE-së, e cila po ecën këto 8 vitet e fundit shumë ngadalë (ose po qëndron në vend numëro) me procesin e hapjes zyrtare të negociatave për Shqipërinë dhe Maqedoninë e Veriut.
Por tashmë po zbulohet se të gjithë këto deklarata janë justifikime në rastin më të mirë dhe mashtrime në funksion të një plani pro serb dhe anti-shqiptarë në rastin më të keq, pasi gjithçka (madje edhe emri) është ideuar shumë kohë më përpara se problematika e zgjerimit të BE-së.
