Kryeministri Edi Rama në një intervistë që ka dhënë ditën e sotme për mediat ndërkombëtare CNN me gazetaren Biana Golodryga, Rama ka deklaruar se në vendin tonë do të vijnë rreth 4 mijë emigrantë nga Afganistan.
Ai thotë se Afganistani është në një krizë dhe sipas tij në këto momente nuk mund t’ua mbyllim derën afganëve, teksa ka rikujtuar se 30 vite më parë edhe shqiptarët kanë qenë si ata.
“30 vite më parë kemi qenë ne afganët për vëllezërit tanë italianë, kështu që askush më mirë se ne e kupton situatën e tyre. Kur nuk je shumë i pasur, kujtimet janë shumë të pasura.
Nuk bëhet fjalët për besim apo ngjyra, bëhet fjalë për njerëz, duhet t’iu japim strehë në një moment krize të thellë.
Nuk mendoja për artin kur dola në rrugë për të kërkuar ndryshimin e regjimit. Si mund t’i lemë këta njerëz të vdesin? Si mund t’u mbyllim dyert atyre në një kohë si kjo, kur vendin e ka përpirë lufta? 2000 që janë listuar dhe 2000 të tjerë që ne po punojmë për t’i pritur, do jenë rreth 4000 mijë.”- shprehet Rama.
Ekzaktësisht nuk dihet se sa afganë do të vijnë në vendin tonë, pasi Kryeministri Rama, në intervistat që ka dhënë për mediat ndërkombëtare, nuk ka thënë asnjëherë shifrën e njëjtë.
Pak ditë më parë në një intervistë për mediat italiane ai tha se në vend do të mbërrijnë 3 mijë afganë. Ndërsa në një tjetër intervistë pëer mediat spanjolle, Rama tha se do të vijnë 1 mijë refugjatw. Ndërkohë që nuk dihet se kur do të vijnë afganët në vendin tonë.
