Në një intervistë për RTV Ora, doktor Ilir Alimehmeti u shpreh se në Izraeli ka vaksinuar rreth 78% të popullsisë me vaksinën Pfizer dhe po konsideron të marrë një dozë të tretë.
Sipas tij, tashmë Pfizer nuk ka një efektivitet të tillë me virusin e ri, pasi ka rënë efektshmëria, duke theksuar se imuniteti natyror është më i fortë në këtë rast.
Ilir Alimehmeti: Izraeli ka vaksinuar rreth 78% të popullsisë, por duhet marrë në konsideratë që ka një popullsi të re. Po ashtu ka edhe shumë të tjerë që e kanë refuzuar vaksinën. Ata kanë qenë të parët që janë vaksinuar me Pfizier dhe kanë treguar që imuniteti bie me kalimin e kohës. Ata po bëjnë të tretën vaksinë, por me të njëjtën dozë. Do të bënte më shumë sens të ishte një vaksinë tjetër. Për Pfizer nuk ka të dhëna që bën sens për një dozë të tretë. Sigurisht që pikëpyetja është se çfarë të do të ndodhë pas dozës së tretë.
Sigurisht që duhet të një vaksinim mbi 75% e popullsisë me një vaksinë që kanë një efektivitet mbi 85%, por ne e dimë se tashmë Pfizer nuk ka një efektivitet të tillë me virusin e ri, por ka rënë. Izraeli nxjerr të dhëna të gjuhën e vet duke treguar transparencë. Ata i mëshojnë faktit se imuniteti natyror është më i fortë dhe personat janë më të mbrojtur. Nuk ka asnjë për tu çuditur në këtë aspekt.
Ai shtoi se ka një qasje që është një shpenzim i kotë vaksinimi i personave që e kanë kaluar tashmë virusin.
Ilir Alimehmeti: Ndërkohë ka një qasje që është një shpenzim i kotë vaksinimi i personave që e kanë kaluar tashmë virusin. Ka të bëjë edhe me bllokimin e jetës së tyre që kanë një imunitet të fortë apo në raport me diskriminimin e atyre që e kanë kaluar, por nuk kanë certifikatë vaksinimi. Deri më tani kemi mbi 1200 variante dhe këto i lënë rrugën njëri-tjetrit. Por Delta është varianti kryesor dhe më i rrezikshmi në këtë rast. Prandaj duhet vaksinim dhe distancë fizike.
