Kryeministri në dorëheqje i Kosovës, Ramush Haradinaj, ka uruar shtetin e Zvicrës në Ditën Nacionale.
Haradnaj thotë se Zvicra ka qenë strehë e shqiptareve dhe me të drejt sot është shtëpia e tyre e dytë.
“Në Ditën Nacionale të Zvicrës, shpreh urimet më të përzemërta për këtë vend mik. Shteti zvicran ka qenë strehë e qindra shqiptarëve në kohë të vështira historike dhe sot me të drejtë vazhdon të jetë shtëpia e dytë e shumë bashkatdhetarëve tanë”, ka thënë Haradinaj.
“Në rrugëtimin tonë si shtet, Zvicra e ka përkrahur fuqishëm Kosovën në të gjitha proceset shtetndërtuese, dhe ne jemi me fat që kemi aleatë të tillë”, ka shtuar më tej ai.
