Deputetja e PD-së, Jorida Tabaku ka reaguar sot në lidhje me numrin më të lartë të azilkërkuesve në Evropë.
Në reagimin e saj, Tabaku shprehet se “kemi numrin më të lartë të azilkërkuesve në Evropë duke rrezikuar edhe një nga pikat e vendosura nga BE për çeljen e negociatave”.
“Kriteret e vendosura janë një letër lakmuesi për të kuptuar se sa seriozisht e ka qeveria jonë procesin e integrimit.Por sot numërohen mbi 200 mijë shqiptarë që kanë ikur nga vendi në 8 vjet. Nuk shohin të ardhmen këtu, nuk besojnë më tek një qeverinë që punon për veten dhe varfëron shqiptarë”, tha ajo.
Tabaku shprehet se “ka ardhur koha të ndryshojmë realitetin. Ka ardhur koha që politika të punojë për qytetarët! Ka ardhur koha që integrimi të jetë kryefjala e përpjekjes sonë për një vend më të mirë dhe pranë familjes Evropiane”.
