Mesfushori i Spanjës, Sergio Busquets është vlerësuar lojtari më i mirë i turneut final të Ligës së Kombeve të UEFA-s. Spanja në finale, të dielën në Milano, humbi 2:1 nga Franca.
Por Busquets megjithatë u shpall më i miri i turneut final nga UEFA.
“Busquets ka kontrolluar dy ndeshjet e Spanjës në fazën finale. Ka diktuar lojën dhe i ka bërë lojtarët përreth tij më të mirë”, ka thënë eksperti i UEFA-s, Robbie Keane për kapitenin e Spanjës.
