Numri i viktimave që nga fillimi i pandemisë së koronavirusit deri më sot në Maqedoninë Veriore ka kaluar mbi 7 mijë, ndërsa gjatë 24 orëve të fundit në mbarë vendin nga 3073 teste të kryera janë regjistruar 490 raste të reja.
Ndërkohë nga Instituti i Shëndetit Publik njoftojnë se janë shëruar 201 pacientë, përcjell Alsat. Ndërsa betejën me Covid-19 e kanë humbur 14 pacientë.
Që nga fillimi i pandemisë, në Maqedoninë Veriore janë regjistruar gjithsej 198.464 raste, prej të cilëve 185.660 janë shëruar, ndërsa 7.012 kanë ndërruar jetë. Aktualisht në Maqedoninë Veriore janë 5.974 raste aktive.
