Një zyrtar polak i sigurisë ka paralajmëruar se vendi po përballet me “përpjekjen më të madhe” të emigrantëve për të kaluar në Poloni nga Bjellorusia.
Sipas mediave të huaja, përcjell Telegrafi, të hënën, uebfaqja bjelloruse Nasha Niva postoi në kanalin e saj Telegram pamjet video të atyre që dukej të ishin qindra emigrantë që ecnin përgjatë një rruge që të çon në kufi.
Regjistrime të tjera të postuara në internet tregojnë emigrantët që mblidhen pranë një parkimi makinash përpara pikës kufitare në Bruzgi në anën bjelloruse të kufirit.
Gjithashtu i dukshëm në pamje janë edhe personeli i armatosur bjellorus me qen.
Stanislaw Zaryn, drejtor i Departamentit të Sigurisë Kombëtare, e përshkroi këtë si “informacion shumë shqetësues nga kufiri”.
“Në Bjellorusi, pranë kufirit me Poloninë, është mbledhur një grup i madh migrantësh”, shkroi ai në Twitter.
