Vijojnë dorëheqjet në selinë blu. Këtë herë kryedemoktait Lulzim Basha i është larguar Sekretari për Marrëdhëniet me Jashtë, Arben Kashahu.
Ky i fundit ka dhënë dorëheqjen e parevokushme, sipas “Mapo.al”, që bën me dije se largimi i është komunikuar Bashës dy javë më parë.
Kashahu ishte sekretar që prej vitit 2019, kur u emërua nga kryedemokrati për të zëvendësuar në detyrë Gerti Bogdanin.
Situata në PD mbetet e tensionuar. Shumë deputetë dhe demokratë e kanë braktisur Bashën për t’iu bashkuar “Foltores” së Berishës.
Kësaj sjelljeje kryedemokrati i ëshët përgjigjur ashpër. Kujtojmë që vendimet e fundit për të urdhëruar zgjedhje të reja në FRPD dhe LDGSH janë cilësuar si hakmarrje, pasi Belind Këlliçi dhe Albana Vokshi dolën në krah të Berishës.