Ish-kryeministri Sali Berisha gjatë intervistës “Now” në Euronews Albania tregoi dy qëllimet e protestës në selinë e PD.
Berisha tha se qëllimi ishte që të nxirreshin jashtë selisë së PD persona të inkriminuar dhe për të nxjerr Lulzim Bashën nga zyra e PD.
“Shkuam për të nxjerr jashtë selisë vrasësit, banditët. Për të nxjerr nga zyra butësisht jo me të prekur, deputetin Lulzim Basha. Këto të dyja ishin qëllimet”, tha ish-kryeministri.
Ish-lideri i PD akuzoi kryeministri Rama se kishte pajisur personat brenda PD me mjete që disponon policia.
Ai shtoi se kryeministri Rama duke thënë se ‘zbatoi aty projektin ‘Blind biss’ të Kryeministrisë’.
“Dispononin të gjitha mjetet që disponon policia e ndërhyrjes së shpejtë. Dispononin pistoletë neuroparalizuese. Dispononin bomba gazi, bomba shurdhuese. dispononin bomba tymuese”, tha Berisha.
Berisha paralajmëron për opozitë të fortë në kundërshtimin e projektit për Portin e Durrësit. Ai akuzoi se në këtë aferë janë përfshirë kryeministri Edi Rama dhe Lulzim Basha.
“Do të jetë opozitë e vërtetë. Pse do të lemë ne Portin e Durrësit që 800 mijë metra t’i marrë Rama me Bashën. Kurrën e kurrës”, tha ish-kryeministri gjatë intervistës në “Now”.
Berisha tha se ka dalë qartë që Basha është i përfshirë në këtë koncesion.
Ish-kryeministri shtoi se po të drejtohej prej tij opozita nuk do të lejohej kurrë që të ndodhte korrupsioni me inceneratorët.
Ai tha se PD e ka denoncuar vetëm dy herë këtë aferë dhe në padinë penale është hequr emri i Këshilltarit të Ramës, Engjëll Agaçi.
“E ka hequr se Engjëll Agaçi është njeriu që i mbyll çështjet atij në gjykata”, tha Berisha.
