Në një intervistë ekskluzive në RTV Ora, ish-kryeministri Sali Berisha u shpreh se Rama në vitin 2019 tha se Berisha nuk kalon dot Atlantikun.
Berisha theksoi se ka dy dëshmitar që Rama ua ka thënë se ish-kryeministri ka bërë konspiracion kundër SHBA-ve.
Berisha duke iu referuar deklaratave të fundit të ambasadores Yuri Kim tha se ajo bëhet ndonjëherë ministre e propagandës së Edi Ramës.
Berisha:
Yuri Kim u përpoq që të përgënjeshtrojë deklaratën time se nismën për shpalljen time non grata u bë për konspiracion kundër politikës së jashtme të SHBA-ve me ndryshimin e kufijve. Rama në vitin 2019 tha se Berisha nuk kalon dot Atlantikun. Ka dy dëshmitar që ua ka thënë se unë kam bërë konspiracion kundër SHBA-ve. Ai nuk e ka shpikur këtë sepse ta bësh një gjë të tillë është një problem shumë madhor. Yuri Kim bëhet ndonjëherë ministre e propagandës së Edi Ramës. Si mund të them unë një gjë të tillë për konspiracion.
Berisha u shpreh se shpalljen non grata Edi Rama e ka ditur dhe e ka gatuar me Vuçiç.
Berisha tha se Soros e Rama kaluan nga konspiracion thanë se Berisha ia ndryshoi mendjen udhëheqësve të Kosovës për ndryshimin e kufijve, duke komplotuar me ta kundër projektit.
Berisha:
Shpalljen non grata Edi Rama e ka ditur dhe e ka gatuar me Vuçiç. Me këtë administratë unë duhet të merrja një vlerësim për qëndrimet që mbajta. Soros e Rama kaluan nga konspiracion thanë se ia ndryshoi mendjen udhëheqësve të Kosovës për ndryshimin e kufijve, duke komplotuar me ta kundër projektit. Është thënë nga Rama se është konspiracion ndaj politikës amerikane.
Pra, sipas tyre unë kisha komplotuar me qeverisjen e Kosovës dhe ua kisha ndryshuar mendjen atyre. Meqë kisha deklaruar se Soros duhet të shpallet non grata dhe kur do të vijë PD në pushtet do të shpallet i tillë së bashke me Aleks sepse duan të instalojnë monizmin dhe se punojnë për Serbinë e madhe, duke mbështetur aleancën e Beograd-Tiranë-Shkup duke vendosur hegjemoninë serbe në rajon.
