Ambasada e Shteteve të Bashkuara të Amerikës në Tiranë publikoi sot mesazhin e Sekretarit të Shtetit, Antony Blinken në lidhje me konfliktin mes Ukrainës dhe Rusisë.
Në mesazh Blinken shprehet se, Rusia ka dy rrugë, ajo e dialogut dhe rruga e agresionit.
“Ne i kemi dhënë Rusisë dy rrugë. Është rruga e diplomacisë dhe e dialogut…, por është edhe rruga e agresionit të saj të përsëritur dhe pasojave masive që ne e kemi ndërtuar tani për shumë javë,” tha Sekretari Amerikan i Shtetit, Antony Blinken.
“Dhe nuk jemi vetëm ne që e themi këtë. G7-ta, ekonomitë kryesore demokratike në botë, kanë qenë të qarta për këtë. Bashkimi Evropian ka qenë i qartë për këtë. NATO ka qenë e qartë për këtë”, u shpreh Blinken në mesazh.
