Xherdan Shaqiri do të ndryshojë ambient. Pasi nuk arriti të ambientohej në ekipin e ri, Lyonin, tani Shaqiri po kërkon një aventurë tjetër.
Siç raporton eksperti i transferimeve, Fabrizio Romano, marrëveshja është arritur dhe Xherdan Shaqiri do të luajë në MLS në Amerikë me ekipin Chicago Fire.
Klubi amerikan do të paguajë shtatë milionë euro për transferimin e tij.
Për gjashtë muaj në Lyon, Shaqiri nuk arriti të ambientohej, duke realizuar dy gola dhe duke bërë tri asistime që prej transferimit të tij nga Liverpooli në verën e kaluar.
Ai nuk u përfshi fare në ndeshjen e sontme të Lyonit, pasi ishte i zënë me përfundimin e kësaj marrëveshje.
