Sali Berisha ka dënuar dhunën e ushtruar nga forcat e policisë ndaj banorëve të “5 Majit” mëngjesin e sotëm, 8 shkurt.
“Terror policesk ndaj banorëve të “5 Majit”! Ata po mbrojnë si heronj shtëpitë e tyre,” shkruan Berisha në Facebook.
Në orën 06;30 të mëngjesit të sotëm forca të shumta policie rrethuan “5 Majin” pasi ishte planifikuar shembja e banesave të tjera në kuadër tyë procesit të rindërtimit.
Teksa banorët bënin rezistencë dhe nuk pranonin të lironin banesat, ata janë shoqëruar me forcë nga policia.
Madje disa gra u tërhoqën zvarrë në përpjekje për t’i nxjerrë jashtë.
