Fundjava e pushimit dhe festa e 8 Marsit kanë rikthyer shqiptarët e Kosovës në bregdetin shqiptar.
Vetëm paraditen e kësaj të premteje në territorin tonë hynë mbi 2000 qytetarë të Kosovës.
“Kemi ardhur vetëm për qejf, për fundjavë. Jemi mësuar dhe nuk po mundemi që të ndalemi. Do jemi në Shëngjin”, shprehet një qytetar nga Kosova.
“Jemi për një pushim, për një relaks, në Durrës për fundjavë”, thotë një tjetër qytetar nga Kosova.
Një pjesë e konsiderueshme e pasagjerëve që hynë nga pika kufitare e Morinës, ishin grupe grash, të cilat kanë zgjedhur që ditën e 8 marsit ta kalojnë në bregdetin shqiptar
“Kemi bërë një organizim ne gratë, meqë është afër dhe 8 Marsi për qejf në Durrës”, shprehet një zonjë nga Kosova.
Për të përballuar fluksin e turistëve, punonjësit e pikës kufitare në Morinës po punojnë me procedura të përshpejtuar dhe me kapacitet të plotë prej 5 sportelesh.
