Një incident i madh kimik ka ndodhur në “Qendrën Ujore të Londrës” në Stratford, duke bërë që një numër i konsiderueshëm personash të kenë vështirësi në frymëmarrje.
Policia dhe ekipet e ambulancës kanë shkuar me urgjencë në vendngjarje pasi rrjedhja e “tymrave të dëmshëm” i detyroi njerëzit të evakuoheshin nga “AquaticsCentre”.
Parku Olimpik i Mbretëreshës Elizabeth konfirmoi incidentin në Tëitter, duke shkruar: “Ka pasur një incident Aquatics Centre këtë mëngjes që përfshin lëshimin e një gazi. Zona është rrethuar dhe evakuuar. Ne po punojmë me shërbimet e urgjencës në vend. Ka një numër viktimash me vështirësi në frymëmarrje që po trajtohen nga ambulanca”.
Ende nuk dihen shkaqet e incidentit që çoi në rrjedhjen e gazrave të dëmshëm. Policia dhe ekipet e agjensive ligjzbatuese britanike ndodhen në vendngjarje për të zbardhur ngjarjen.
