Një i huaj me një detektor metali ndihmoi një çifti britanik që i humbi unaza vetëm pak çaste pasi u fejuan në një plazh.
Sipas medieve të huaja, përcjell Telegrafi, Joe McGrath, 26-vjeçar, i propozoi të dashurës së tij Becky, 28-vjeçare, në një plazh afër vendit ku ajo u rrit në Cleethorpes, Lincolnshire, Angli. Mirëpo, kur ata po përgatiteshin të largoheshin nga plazhi pak kohë më vonë, zbuluan se unaza kishte rënë në rërë.
“Fillimisht mendova se do të ishte një nga ato gjëra për të cilat do të qeshnim dhe do ta gjejmë menjëherë, por pas pesë minutash, fillova të mendoj se ‘kjo është e frikshme tani’”, tha McGraith për BBC.
McGrath tha se gjeti një detektor metali për shitje aty pranë në Facebook, por blerja prej 26 dollarësh doli të mos ishte shumë e dobishme.
“Thjesht nuk funksionoi fare. Nuk e di se çfarë po gjente, por sigurisht që nuk po gjente metal”, tha ai.
McGraith iu drejtua për ndihmë një grupi lokal të zbulimit të metaleve në Facebook dhe lutja e tij u përgjigj nga Marc Robinson.
Robinson, duke përdorur detektorin e tij funksional të metalit, ishte në gjendje të gjente unazën në pak minuta.
McGrath tha se Robinson e shpëtoi ditën.
