U duk se shkaktuan një përplasje gardërobash në skenën e çmimeve Grammy, por dalja e Dua Lipës dhe Megan Thee Stallion me të njëjtin fustan gjatë prezantimit të një çmimi, ishte një inskenim.
Të dy këngëtaret kishin veshur fustane të zinj, identikë, të dizajnuar nga Donatella Versace në edicionin e 64-t të çmimeve të muzikës.
“Ti po më vjedh pamjen”, i tha Megan Dua Lipës. “Më thanë që e kisha ekskluzivisht unë”, iu përgjigj këngëtarja me origjinë shqiptare.
Pak sekonda më pas, në skenë u ngjit edhe stilistja italiane 66-vjeçare, e cila u hoqi nga një pjesë të fustanit të dy artisteve. “Këto janë vajzat e mia!”, tha Versace, “Faleminderit Donatella! Tani dukemi të dyja fituese”, iu përgjigj Megan.
E gjithë skena, ishte përgatitur më parë, për të rikrijuar një moment televiziv, të ndodhur 24 vite më parë. Në edicionin e vitit 1998 të Video Music Award, legjendat e muzikës, Mariah Carey dhe Whitney Houston duke veshur të njëjtin fustan teksa prezantonin çmimin e këngëtarit më të mirë.
Vendimi për t’u veshur njësoj ishte kulmimi i një sherri të filluar që në vitin 1990, mes dy këngëtareve, në atë kohë në majën e karrierës. “I bukur fustani”, i tha Carey Houston-it në skenë. “Nuk ka tjetër si ky, sepse më duket si i parë?”.
