Bashkimi Europian ka aprovuar raundin e pestë të sanksioneve ndaj Rusisë. Lajmin e ka bërë të ditur presidenca franceze e Këshillit të Europës.
Masat e reja ndëshkimore përfshijnë ndalimin e importit të qymyrit rus, si dhe embargo në eksportet e armëve.
Gjithashtu, në sanksione përfshihet mbyllja e porteve europiane për mjetet lundruese ruse dhe ndalimi i eksporteve të produkteve të teknologjisë së lartë në Rusi.
Dokumenti që përmban emra të oligarkëve rusë dhe anëtarë të sigurimit e aparatit ushtarak, do të publikohet zyrtarisht ditën e premte.
