Lukasz Czapla është dënuar për vrasjen e të birit 2-vjeçar, Julius të cilin e ka qëlluar vazhdimisht në kokë me pistoletë para se ta godiste me thikë dhe ta mbyste.
Sipas Sky News, Czapla e kreu aktin makabër pasi zbuloi se nëna e fëmijës së tij ishte në një lidhje të re. Ai u dënua me burgim të përjetshëm. Gjykata e Lartë në Edinburg e cilësoi krimin si një akt që kishte ardhur në shenjë “hakmarrjeje dhe xhelozie”.
41-vjeçari tha në gjykatë se e qëlloi djalin e tij teksa flinte me një pistoletë. Kur fëmija u zgjua, i shqetësuar, e goditi me një thikë dhe e mbyti me një jastëk.
Fëmija kishte qëndruar në banesën e babait të tij në Muirhouse, Edinburgh. Prindërit e djalit ishin ndarë dy muaj më parë. Duke dhënë dëshmi gjatë gjyqit, Czapla pretendoi se ai vrau djalin e tij sepse kishte vendosur t’i jepte fund jetës së tij dhe nuk donte ta linte vetëm. Ai tha se u përpoq të vriste veten duke përdorur metoda të ndryshme pasi nuk donte të jetonte.
Në foto: Lukasz Czapla
Czapla u pyet nga avokati i tij Iain McSporran QC: “Kur e qëllove Julius në kokë, a menduat se kjo do ta vriste?”
Czapla u përgjigj: “Po.”
Avokati e pyeti: ” A ju kujtohet sa herë e keni gjuajtur?”
Czapla u përgjigj: “Jo”.
Avokati e pyeti: “Cili ishte efekti i qëllimit në kokë?”
Czapla tha: “Ai u zgjua”.
Avokati e pyeti: “Çfarë po përpiqeshit të bënit?”
Czapla u përgjigj: “Epo, mendova se ai do të largohej nga kjo botë menjëherë”
Avokati e pyeti: “A doje që ai të vuante?”
Czapla u përgjigj: “Jo, jo. Nuk doja që ai të vuante fare. Nuk ishte ky qëllimi”./
