Gjermania dhe Anglia kanë luajtur baras (1-1) në Allianz Arena, në ndeshjen e vlefshme për Grupin 3 të Ligës A në Ligën e Kombeve.
Gjysma e parë nuk prodhoi gola, ndërsa të dy realizimet ndodhën në fraksionin e dytë të lojës.
Të parët kaluan në epërsi gjermanët, kur Joshua Kimmich dërgoi një pasim në drejtim të Jonas Hofmann dhe ky i fundit e zhbllokoi rezultatin (50’).
Rezultati u zhbllokua në minutën e 88-të me golin e Harry Kane nga pika e bardhë.
Në ndeshjen tjetër të këtij grupi, Italia ka regjistruar fitore prej 2-1 përballë Hungarisë në Stadio Dino Manuzzi të Cesenas.
Nicolo Barella (30’) dhe Lorenzo Pellegrini (45’) realizuan për Azzurrët, ndërsa autogoli i Gianluca Mancinit ishte i vetmi për hungarezët (61’).
Italia është lider i Grupit 3 në Ligën A me katër pikë nga dy ndeshje, e ndjekur nga Hungari me tri pikë, Gjermania me dy pikë dhe Anglia me një pikë.
