Kartëmonedhat plastike kanë ndryshuar jetët tona, jo vetëm pse janë të pamundura që të shqyhen, por ato mund t’i mbijetojnë edhe “një cikli të makinës rrobalarëse”, dhe në përgjithësi janë shumë më të dobishme se kartëmonedhat e letrës, shkruan The Mirror.
Por a e dinit se nëse vendosni dritë në qafën e Mbretëreshës në kartëmonedhën e 5 funtave, ju mund ta gjeni një detaj të fshehtë?
Në një video në YouTube, shkencëtari Steve Mould provoi që ta drejtonte dritën e kuqe dhe të vogël në qafën e Mbretëreshës dhe zbuloi një fushë të fshehtë yjore, përcjell Telegrafi.
Ai u drejtua tek kamerat dhe tha: “Natyrisht se gjëja e parë që bëra ishte ta drejtoja dritën e laserit në fytyrën e Mbretëreshës dhe nuk isha i dëshpëruar nga rezultati”.
“Nëse drejtoni laserin në drejtim të saktë në qafën e Mbretëreshës dhe pastaj e projektoni atë në murin përballë, ju do të shihni një fushë yjore trekëndore. Por pyetja është se a është kjo një veçori e dallueshme e sigurisë?”, shtoi Mould.
Kartëmonedha e 10 funtave ka gjithashtu një detaj të mahnitshëm, dhe kjo do të thotë se prodhimi i parave të rrema është shumë i vështirë.
