Ky është momenti dramatik në të cilin një nëndetëse bërthamore ruse pikaset pranë brigjeve të Norvegjisë pasi dëbohet nga ‘gjahtari i nëndetëseve’ i forcave ajrore britanike, një avion patrullimi Poseidon P-8.
Mjeti nënujor i klasit Akula ose ndryshe Peshkaqen, fillimisht u zhyt nën ujë ndërsa patrulla ajrore britanike dhe një flotë luftanijesh norvegjeze u vunë në ndjekje të lëvizjeve të tij. Fotot janë marrë nga një inxhinier i marinës britanike që punonte për një projekt energjetik norvegjez në det.
Sipas tij, gjithçka ka ndodhur mbrëmjen e të dielës kur një Poseidon P-8 britanik fluturoi në qiell ndërkohë që mëngjesin e të hënës ‘mbinë’ anijet e NATO-s dhe vetë nëndetësja u pa mbi ujë.
Incidenti është vetëm një nga të shumtët muajt e fundit dhe vëzhguesit ushtarakë kanë vënë re një rritje të ndjeshme të numrit të mjeteve nënujore të Putinit që lëvizin pranë brigjeve perëndimore në mesin e një përshkallëzimi pa fund tensionesh.
Kjo përplasje e veçantë mori fund pasi nëndetësja ruse u kthye pas drejt detit të veriut.
