Ndërkohë që Mbretëria e Britanisë së Madhe ndodhet në zi tashmë për vdekjen e Mbretëreshës Elizabeth II, një tjetër oborr mbretëror në Europë është në festë.
Bëhet fjalë për Mbretërinë e Belgjikës, ku princesha Maria Laura lidhi kurorë me bashkëshortin e saj britanik, në një ceremoni fetare që u mbajt në katedralen e Brukselit, dhe që nuk u ndal as nga shiu.
Më herët, princesha 33 vjeçare dhe bashkëshorti i saj bankier William Isvy kishin zhvilluar ceremoninë civile, për të vajtur me pas në Katedralen e Shën Mishelit.
Mbesa e Mbretit Filip dhe Mbretëreshës Maathilde u shoqërua në altar nga babai i saj Princi Lorenz.
Nisja ishte e veshur me një fustan të bardhë satin që derdhej deri në fund të këmbëve, e shoqëruar me një vello të qëndisur. Dhe në dorë mbante një buqetë lulesh shumëngjyrëshe.
