Për shumë burra rusë, vendimi i Kremlinit që t’i ftojë 300 mijë rezervistë për luftën në Ukrainë, ka qenë shok.
Në shumë qytete, lufta shtatëmujore e Rusisë kundër fqinjit akoma është larg përfundimit, transmeton Telegrafi.
Por pasi përfundoi fjalimin presidenti rus Vladimir Putin, rusët i goditi realiteti – mobilizimi i pjesshëm.
Dërgimi në luftë ka ndodhur më shpejtë sesa që shumë rusë e kishin pritur të ndodhë.
Aplikacionet për shkëmbim mesazhesh, kanë shpërthyer në debat lidhur me atë se çfarë tjetër do të ndodhë. Madje kanë menduar ide të ndryshme se si të shmangin dërgimin në luftë.
“Si të thyesh dorën”, ishte një prej temave më të kërkuara në Google nga rusët, e disa prej tyre këto i kanë aplikuar dhe dëshmuar me video të ndryshme.
Këshilltari i ministrit të Jashtëm ukrainas, Anton Gerashchenko, ka shpërndarë në Twitter videon ku shihet një i ri rus duke ia thyer këmbën një të riu tjetër – me qëllim që të shmang mobilizimin.
Në video shihet i riu që e vendosë këmbën në shkallë dhe nga shkallët e tjera miku i tij kërcen mbi këmbën e tij – të cilën ia thyen.
E për shkak të pamjeve të rënda, videoja është edituar por se në rrjetet sociale ekziston videoja e plotë ku shihet ky moment i tmerrshëm. /Telegrafi/
