Bota
“Intimiteti me gruan është akt adhurimi”, Myftiu që flet hapur për seksin në martesë
Ismail Ibn Musa i njohur si myftiu Menk, ka folur për rëndësinë dhe përfitimin e intimitetit seksual në një martesë, gjë që ndodh rrallë, për të mos thënë fare, në vendin tonë.
Përmes ligjeratës së tij, ai shpjegon sesa akt adhurimi është seksi, madje ka treguar edhe një histori të vërtetë dhe shumë qesharake.
Në videon e mëposhtme, myftiu ndër të tjera ka treguar se ka pasur njerëz që kanë shkuar tek ai duke u ankuar se nuk kanë pasur intimitet për dy vjet, dhe kjo e ka bërë myftiun të habitet.
“Nëse ajo po plaket dhe ti po plakesh, duhet të shikosh, duhet të vlerësosh dhe të pranosh që duhet të thuash fjalë të mira, provoje sot në shtëpi. Do të vlerësohej kaq shumë pasi shumë prej neve na mungon romanca në shtëpitë tona. A e dini që kam pasur njerëz që kanë ardhur të ankohen duke thënë se nuk kanë pasur intimitet për dy vjet dhe unë jam si ‘O Zot’, pyes veten se çka po ndodh. Ju duhet të përpiqeni vëllezër dhe motra”.
“Të kesh intimitet me bashkëshortin/en tënd/e është një akt adhurimi dhe një akt bamirësie”, thotë më tej myftiu.
“Një ditë, Allahu e mëshiroftë këtë njeri në xhenet, ai ka ndërruar jetë. Imami u pati vonuar pak për namaz, shumë pak minuta, dhe e dini se çfarë ndodh me imamët, normalisht ju keni njerëz prapa dhe ata të gjithë do thonë ‘je vonuar’, ai u ngrit dhe tha vëllezër isha i angazhuar në një akt tjetër adhurimi. Ai tha se ka ardhur nga ibadeti në ibadet, është fakt dhe a e dini çfarë? Ata që e kuptuan e dinin se çfarë po thoshte. Askush nuk e tha asnjë fjalë dhe nga ajo ditë ai ishte heroi i të gjithë të rinjve”, tha myftiu teksa foli për historinë e vërtetë të një imami.
“Shumë njerëz bëjnë haram dhe për këtë arsye ata janë të verbër për bashkëshortet e tyre, ju e dini kur ne themi ‘të dua’ dhe ‘të adhuroj’ dhe ne dërgojmë këto mesazhe sepse kemi turp të tregojmë tonat sepse po i dërgojmë në gabim. Njerëz nëse do të përdorni gjysmën e mesazheve haram në mënyrë hallall do të kishit familjen më të lumtur”, thotë myftiu Menk.
Ai poashtu teksa ju drejtohej burrave që po ndiqnin ligjeratën e tij, u thotë t’i respektojnë gratë e tyre të cilat kanë sakrifikuar shumë për ta.
“Më kujtohet një burrë që më tha gruaja ime është pak jashtë formave. Subhanallah, vëlla ti dukesh si derr, ti merakosesh sesi duket bashkëshortja juaj, por a merakosesh sesi dukesh ti, është sikur burri t’i tregojë gruas beli yt pak i trash, ajo thotë e di sepse jam nënë, shikoje pak tëndin, është shumë më i trash dhe ai t’i thotë, unë jam baba”, tha Menk, teksa shtyu të gjithë të pranishmit të qeshnin me lot.
Ismail ibn Musa i njohur si Myftiu Menk, është një dijetar islamik nga Zimbabveja. Ai është Myftiu i Madh dhe kreu i departamentit të fetvave të komunitetit mysliman të Zimbabvesë, që përfaqëson më pak se 1 për qind të popullsisë totale të vendit.
Menk është emëruar si një nga 500 myslimanët më me ndikim në botë nga Instituti Mbretëror Aal al-Bayt për Mendimin Islam në Jordani në vitet 2013, 2014 dhe 2017.
Menk u lind më 27 qershor të vitit 1975 në Harare nga prindër emigrantë indianë në Gujarat, ku ai nisi studimet fillestare me babanë e tij, Moulana Musa, duke mësuar përmendësh Kuranin dhe duke mësuar arabisht. Ai shkoi në kolegjin St. John (Harare) për shkollë të lartë, më pas ai përfundoi arsimin e tij fetar dhe kursin e myftiut nga Kantharia Darul Uloom që ndodhet në Gujarat, Indi.
Menk kundërshton terrorizmin dhe ka premtuar ndihmën e tij në frenimin e ekstremizmit fetar në Maldive. Më 31 mars 2018, ai u bëri thirrje myslimanëve liberianë të shmangin dhunën myslimano-kristiane, duke argumentuar se myslimanët dhe të krishterët janë vëllezër dhe motra nga një baba, profeti Adam. Ai fajëson mediat perëndimore se kanë mashtruar botën se myslimanët janë terroristë.
Në anën tjetër, Huffington Post e ka përshkruar Menk si një “predikues islamik haptazi homofobik” i cili e ka denoncuar aktin e homoseksualizmit si “të ndyrë”. Në vitin 2013, ai duhej të vizitonte gjashtë universitete britanike – Oksford, Leeds, Leicester, Liverpool, Cardiff dhe Glasgow, por turneu i fjalimit u anulua pasi sindikatat studentore dhe zyrtarët e Universitetit shprehën shqetësimin për pikëpamjet e tij. Deklarata e diskutueshme e Menkut përfshinte këto fjalë: “Si mund të përfshiheni në akte imoraliteti me të njëjtën gjini. Kur’ani thotë qartë se është e gabuar ajo që po bëni. Allahu tregon se sa e ndyrë është kjo. Me gjithë respektin për kafshët, homoseksualët janë më keq se kafshët”.
Kjo ishte vetëm njëra ndër ligjëratat e shumta të këtij myftiu i cili në YouTube numëron më shumë se 3 milionë e 500 mijë abonentë. Poashtu, videot në kanalin e tij zyrtar kanë miliona shikime.
Presidenti Volodymyr Zelensky ka mohuar akuzat e Rusisë se Ukraina ka kryer një sulm me dron ndaj njërës prej rezidencave të presidentit Vladimir Putin dhe ka akuzuar Moskën se po përpiqet të prishë bisedimet e paqes.
Ministri i Jashtëm i Rusisë, Sergei Lavrov, pretendoi se Kievi kishte nisur një sulm gjatë natës duke përdorur 91 mjete ajrore pa pilot me rreze të gjatë veprimi (UAV) në rezidencën shtetërore të Putinit në rajonin veriperëndimor të Novgorodit të Rusisë.
Rusia tha se tani do të rishikojë qëndrimin e saj në negociatat e paqes. Ende nuk është e qartë se ku ndodhej Putini në kohën e sulmit të supozuar.
Zelensky e hodhi poshtë pretendimin si “gënjeshtra tipike ruse”, që synonin t’i jepnin Kremlinit një justifikim për të vazhduar sulmet ndaj Ukrainës.
Ai tha se Rusia më parë kishte shënjestruar ndërtesat qeveritare në Kiev.
“Është thelbësore që bota të mos heshtë tani. Nuk mund ta lejojmë Rusinë të minojë punën për arritjen e një paqeje të qëndrueshme” tha Zelensky në X.
Në një deklaratë të ndarë në Telegram të hënën, Lavrov tha se të 91 dronët që ai pretendoi se u nisën në rezidencën e Putinit u interceptuan dhe u shkatërruan nga sistemet ruse të mbrojtjes ajrore.
Ai shtoi se nuk ka raportime për viktima apo dëme materiale si pasojë e sulmit.
“Duke pasur parasysh degjenerimin përfundimtar të regjimit kriminal të Kievit, i cili ka kaluar në një politikë terrorizmi shtetëror, pozicioni negociues i Rusisë do të rishikohet”, tha ai, teksa shtoi se Rusia nuk kishte ndërmend të dilte nga procesi i negociatave me SHBA-në
Pretendimi nga Moska vjen pas bisedimeve midis SHBA-së dhe Ukrainës në Florida të dielën, ku presidentët Trump dhe Zelensky diskutuan një plan të rishikuar paqeje për t’i dhënë fund luftës.
Presidenti amerikan, Donald Trump kërcënoi të hënën se do të mbështesë një sulm tjetër kundër Iranit nëse ky i fundit përpiqet të rindërtojë programin e tij të raketave balistike.
“Kam dëgjuar se Irani po përpiqet të ndërtojë përsëri fuqinë e tij dhe, nëse po, do të na duhet t’i rrëzojmë”, tha Trump përpara se të takohej me kryeministrin izraelit Benjamin Netanyahu.
“Do t’i rrëzojmë. Do t’i shkatërrojmë plotësisht”, theksoi ai.
Trump shtoi se do të mbështeste një sulm ndaj Iranit menjëherë nëse ky i fundit përpiqet të rindërtojë aftësinë e tij bërthamore, duke e këshilluar vendin që në vend të kësaj të kërkojë një marrëveshje me SHBA-në.
“Kjo është më e zgjuar. Ata mund të kishin bërë një marrëveshje herën e fundit përpara se ne të kalonim, e dini, një sulm të madh ndaj tyre”, theksoi ai.
SHBA-të më herët këtë vit bombarduan tre objekte bërthamore në Iran, në një sulm që Trump e ka cilësuar që atëherë si një sukses të madh ushtarak. Netanyahu në javët e fundit ka paralajmëruar se Irani po zgjeron përsëri programin e tij të raketave balistike.
Një atlete 55-vjeçare e disiplinës triatlon, ka humbur jetë në një sulm të tmerrshëm nga një peshkaqen në brigjet e Kalifornisë.
Siç raporton New York Post, Erica Fox ishte zhdukur që nga java e kaluar kur, sipas dëshmitarëve, ajo u pa duke notuar në brigjet e Pacific Grove, në Monterey Bay, kur një peshkaqen e sulmoi.
Që atëherë, atletja ishte shpallur e zhdukur nga autoritetet lokale pasi trupi i saj nuk ishte gjetur.
Në fakt, dëshmitarët okularë raportuan se kishin parë një peshkaqen me një trup njeriu në gojë të dilte nga uji dhe pastaj të fundosej përsëri.
Sot, frika e të gjithëve u konfirmua pasi, pas disa ditësh kërkimesh, mbetjet e gruas 55-vjeçare u gjetën në breg, pranë vendit ku ajo u sulmua për vdekje. Konkretisht, trupi u gjet në plazhin Davenport në Santa Cruz, rreth 15 kilometra nga vendi i ngjarjes.
Trupi i Fox u identifikua nga babai i saj. Edhe pse Zyra e Sherifit lokal tha se ende nuk e ka identifikuar zyrtarisht trupin, afërsia e dy vendeve sugjeron se është i atletes.
Megjithatë, për shkak të natyrës së zhdukjes së Fox, Zyrat e Sherifit të Qarkut Santa Cruz dhe Monterey, së bashku me Departamentin e Policisë së Pacific Grove, po hetojnë ende rastin.
Fox po stërvitej me të tjerë, duke notuar në grupe në vend si pjesë e stërvitjes së tyre të përditshme. Midis shokëve të saj të ekipit ishte edhe bashkëshorti i saj prej 30 vitesh, Jean-François Vanreuzel.
Tragjedia ndodhi më 23 dhjetor, kur grupi u njoftua nga një pronar varke që po kalonte se një peshkaqen ishte parë rreth 100 metra larg, dhe autoritetet ngritën alarmin dhe mbyllën plazhin.
Ekipi më pas u drejtua për në breg dhe zbuluan se Fox nuk ishte e pranishme.
“Thjesht u ndjeva e mpirë. Shpresoja që ndoshta ajo doli nga uji dhe pastaj vendosi të kthehej në këmbë”, tha shoqja e ekipit Sharon Carey.
Autoritetet u njoftuan menjëherë dhe një operacion kërkimi nisi menjëherë pas kësaj për të gjetur Fox.
Pas rreth 15 orësh kërkimi në ujë me anije, helikopterë dhe zhytës, operacioni u ndërpre. Zyra e Sherifit të Monterey-t dhe një ekip vullnetarësh vazhduan kërkimin, i cili përfundoi më herët në mënyrën më tragjike.
Megjithatë, Zyra e Sherifit të Qarkut Monterey, së bashku me ekipet e pavarura të kërkimit Bedrock Ocean Exploration dhe Angel’s Recovery Dive Team, vazhduan kërkimin edhe pas përfundimit zyrtar.
Fox ka garuar në dy gara Ironman dhe në evente të ndryshme të tjera për 20 vjet. Miqtë dhe familja e përshkruan atë si një “person jashtëzakonisht të lumtur, të gjallë, qesharak dhe të sjellshëm” e cila ishte e njohur mirë me rreziqet e oqeanit të hapur. Kohët e fundit ajo kishte marrë pjesë në një Seminar për Peshkaqenin e Madh të Bardhë për të mësuar më shumë rreth grabitqarit kryesor të oqeanit.
Në vitin 2013, ajo ndau një foto në Facebook të një peshkaqeni që notonte përkrah një zhytësi. “Kjo është kafsha më e rrezikshme në planet dhe një peshkaqen po noton qetësisht pranë saj”, shkruante ajo në postim.
Ndryshim i rregullit të pozicionit jashtë loje, FIFA do që të favorizohen sulmuesit
Tragjedi në Prizren, humb jetën një fëmijë njëvjeçar si pasojë e zjarrit
Futboll mes “acarit”, lojtarët pijnë çaj në fushë
“Që kur mesazhet janë prova?”, Rama: “Shpërdorimi i detyrës” do të rishikohet
Beyoncé shpallet miliardere nga Forbes
“Kemi raketa Javelin dhe tre anije patrulluese”, Rama: Kemi sot ushtrinë më të mirëpaguar, ia kalojmë edhe Serbisë
Britania marrëveshje me Angolën dhe Namibinë për kthimin e emigrantëve
Britania e Madhe refuzon të njohë Somalilandin si shtet të pavarur
Zelensky mohon sulmin me dron ndaj rezidencës së Putinit
Ish-sulmuesi i Anglisë dhe Liverpoolit akuzohet për ‘ngacmim’, pas arrestimit të tij në prill
Shqipëria në histori! Nga fitorja në Serbi te shanset me Poloninë për Botërorin, 2025 në shifra e fakte
Si u krijua aleanca mes mafies shqiptare dhe karteleve të drogës në Meksikë
“Tageszeitung” e Berlinit: “Shumë njerëz në mbarë Evropën Juglindore dëshirojnë personalitete si Kurti si politikanë në vendet e tyre”
Bashkimi me euron do të kishte mbuluar koston e NHS-së
Faqet e para të Gazetave në UK
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Rrëzohet aeroplani në Britani, alarm në aeroportin Southend në Londër
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Këta janë 10 kandidatët më të votuar në Vetëvendosjes
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Emigrantët kthehen, por Shqipëria nuk i mban
Princi William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
Anomalia e buxhetit, 2 miliardë euro shpenzime në dhjetor
“Katolikët monitoroheshin, myslimanët përgatitnin ushqimet për ta” – si festoheshin Krishtlindjet në komunizëm në Shqipëri
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Spitalet paralajmëruan se kriza e kujdesit në fund të jetës kërcënon trajtimin
Brigitte Bardot: Bjondia seksi që revolucionarizoi kinemanë franceze
-
UK1 day agoFOTO/ Nëna me dy fëmijët humbën jetën në një zjarr tragjik në Angli
-
Albania1 day agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania3 days ago
Shqiptari në Britani shpëton nga deportimi pasi “partnerja nuk i flet shqip”
-
Sports1 day agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK3 days ago
Rrëzohet aeroplani në Britani, alarm në aeroportin Southend në Londër
-
Albania1 day agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
Kosova20 hours agoKëta janë 10 kandidatët më të votuar në Vetëvendosjes
-
Albania2 days ago
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë