Burimet shëndetësore dhe të sigurisë në Irak kanë njoftuar se numri i personave të vrarë gjatë protestave kundër qeverisë ka shkuar në 60.
Kjo shifër është dyfishuar vetëm gjatë 24 orëve të fundit për shkak të shpeshtimit të përleshjeve mes policisë dhe protestuesve.
Ushtria irakiane tha se disa snajperë të paidentifikuar i kanë vrarë katër njerëz një Bagdad, përfshirë dy policë.
Kryeministri i këtij vendi, Adel Abdel Mahdi, ka thënë se qeveria i ka dëgjuar kërkesat legjitime të protestuesve, por bëri thirrje për qetësi.
Protestat kundër qeverisë filluan të martën për shkak të nivelit të lartë të papunësisë dhe korrupsionit dhe shërbimeve të dobëta publike, përfshirë mungesën e ujit dhe ndërprerjet e shpeshta të rrymës elektrike.
Këto protesta po vlerësohen si sfida e parë serioze e qeverisë së brishtë të kryeministrit Mahdi, i cili erdhi në pushtet vitin e kaluar.
Pavarësisht thirrjes së tij për qetësi, protestuesit i mbushën rrugët e Irakut edhe të premten. Në anën tjetër, autoritetet kanë vendosur orë policore në kryeqytet dhe e kanë ndërprerë internetin, por këto masa nuk ka ndikuar në ndërprerjen e protestave, shkruan “BBC”.
