Si prioritet në luftën kundër emigrimit klandestin, presidenti amerikan, Donald Trump premtoi se do të ndërtojë një mur në Kolorado.
Problemi është se ky shtet në qendër të SHBA-së, midis Jutah dhe Kansas, dhe nuk është në kufi me Meksikën.
“E dini pse do të fitojmë në Meksikën e Re? Sepse ata duan sigurinë kufitare”, deklaroi presidenti amerikan nga Pittsburgh.
“Ne do të ndërtojmë një mur në kufirin me Meksikën e Re dhe një në Kolorado, një mur madhështor, një mur që do të funksionojë dhe nga ku nuk mund të kalohet as sipër dhe as poshtë. Ne do të ndërtojmë edhe një mur në Teksas, por jo një mur në Kansas e megjithatë ata do të përfitojnë nga muret që sapo përmendëm”, shtoi ai.
Premtim kryesor i fushatës 2016 të manjatit të pasurive të patundshme, ndërtimi i murit po vonon të konkretizohet, për shkak të Kongresit, që refuzon të miratojë fondet e nevojshme për financimin e tij./
